PM Internship Scheme 2026 | पुण्यात JCB, HDFC बँक, टेक महिंद्रासह १३ कंपन्यांमध्ये इंटर्नशिप; १० वी ते पदवीधरांना संधी जाणून ‘घ्या’ सविस्तर माहिती

केंद्र सरकारच्या महत्त्वाकांक्षी प्रधानमंत्री इंटर्नशिप योजना (PM Internship Scheme 2026) च्या तिसऱ्या टप्प्याची अधिकृत घोषणा करण्यात आली असून, देशभरातील तरुणांसाठी ३१ हजारांहून अधिक इंटर्नशिपच्या संधी उपलब्ध करून देण्यात आल्या आहेत. या योजनेच्या माध्यमातून कौशल्याधारित शिक्षणाला प्रत्यक्ष उद्योगातील कामाचा अनुभव जोडण्याचा सरकारचा प्रयत्न असून, विशेषतः सुशिक्षित बेरोजगार तरुणांना नामांकित कंपन्यांमध्ये काम करण्याची संधी मिळणार आहे.

या तिसऱ्या टप्प्यात पुणे जिल्ह्यातील उमेदवारांसाठी मोठी संधी उपलब्ध झाली आहे. जेसीबी इंडिया, एचडीएफसी बँक, टेक महिंद्रा, स्कोडा ऑटो व्होल्क्सवॅगन, हनीवेल, बर्जर पेन्ट्स, द इंडियन हॉटेल्स कंपनी, एमक्युर फार्मास्युटिकल्स अशा अनेक प्रतिष्ठित कंपन्यांनी या योजनेत सहभाग नोंदवला आहे. त्यामुळे उद्योगक्षेत्रात करिअरची सुरुवात करू इच्छिणाऱ्या युवक-युवतींसाठी ही योजना महत्त्वाची ठरणार आहे.

योजनेअंतर्गत निवड झालेल्या उमेदवारांना ६ ते ९ महिन्यांच्या कालावधीसाठी संबंधित कंपन्यांमध्ये इंटर्नशिप करण्याची संधी दिली जाणार आहे. या कालावधीत उमेदवारांना दरमहा ९,००० रुपये विद्यावेतन मिळणार असून, त्यामुळे प्रत्यक्ष कामाचा अनुभव घेत असतानाच आर्थिक मदतही मिळेल. इंटर्नशिप यशस्वीपणे पूर्ण केल्यानंतर केंद्र सरकार आणि संबंधित कंपनीकडून अधिकृत अनुभव प्रमाणपत्र देण्यात येणार आहे. भविष्यातील नोकरी किंवा करिअर घडवताना हे प्रमाणपत्र उमेदवारांसाठी उपयुक्त ठरू शकते.

पात्रता आणि आवश्यक निकष : PM Internship Scheme 2026

या योजनेसाठी अर्ज करणाऱ्या उमेदवारांनी केंद्र सरकारने निश्चित केलेल्या पात्रतेची पूर्तता करणे आवश्यक आहे.

पुण्यातील कंपन्यांमधील उपलब्ध जागा

पुणे जिल्ह्यातील विविध नामांकित कंपन्यांमध्ये खालीलप्रमाणे इंटर्नशिपच्या जागा उपलब्ध आहेत.

अर्ज प्रक्रिया

इच्छुक आणि पात्र उमेदवारांनी प्रधानमंत्री इंटर्नशिप योजनेच्या अधिकृत पोर्टलवर जाऊन प्रथम नोंदणी करावी. त्यानंतर उपलब्ध कंपन्या आणि इंटर्नशिपच्या जागांची माहिती पाहून आपल्या पात्रतेनुसार संबंधित पदासाठी ऑनलाइन अर्ज करता येईल. या टप्प्यासाठी अर्ज करण्याचा कालावधी मर्यादित असल्याने पात्र उमेदवारांनी विलंब न करता अर्ज प्रक्रिया पूर्ण करावी.

अधिक माहितीसाठी

योजनेबाबत अधिक माहिती हवी असल्यास उमेदवारांनी जिल्हा कौशल्य विकास, रोजगार व उद्योजकता मार्गदर्शन केंद्र, ४८१ रास्ता पेठ, पुणे येथे प्रत्यक्ष भेट द्यावी. तसेच कार्यालयीन वेळेत ०२०-२६१३३६०६ या दूरध्वनी क्रमांकावर संपर्क साधूनही आवश्यक माहिती मिळवता येईल.